“Eftir fjöldamargar viðskiptaferðir erlendis eru hótel með góða og persónulega þjónustu í uppáhaldi hjá mér. Við aðlögum okkur að kröfum og óskum hvers gests, og hjálpum þeim að uppgötva náttúrufegurðina og ævintýrin í nágrenni hótelsins. Persónuleg þjónusta, góður matur og gæðastundir - Fyrir það stöndum við á Hótel Rangá”
Friðrik Pálsson
Hóteleigandi
Tilboð
Okkar sígildu tilboð henta fyrir öll tækifæri. Skapið góðar minningar í rólegu og rómantísku umhverfi.
Vetrartilboð
Njótið sveitasælunnar í vetur á Hótel Rangá með þriggja rétta kvöldverði. Vetrartilboðið gildir frá 1. október til 31. maí 2025.
Gjafabréf
Gefðu gómsæta og notalega gjöf í sveitasæluna, hægt er að sérsníða gjafabréf eftir þörfum.
Ævintýri á Hótel Rangá
Hóteleigandi Hótel Rangá
Friðrik Pálsson
Friðrik Pálsson er góður sögumaður og gestgjafi af guðs náð. Það var kannski ekki undarlegt að hann yrði hóteleigandi, eftir óteljandi viðskiptaferðalög um heiminn, þar sem hann reyndi af eigin raun hvað gæði og góð þjónusta eru mikilvægir þættir í veitinga- og hótelrekstri. Áratuga reynsla Friðriks sem ferðamanns þýðir að frábær þjónusta og gestrisni eru þeir þættir sem hann leggur höfuðáherslu á. Hann er stöðugt að leita leiða til að gera upplifun gestanna betri og meiri. Í raun hafa hugmyndir hans gefið hótelinu alveg nýja vídd – með endurnýjun og hönnun herbergja, meðal annars með verkum eftir íslenska listamenn og með því að reisa hið einstaka stjörnuskoðunarhús.
Þegar þú heimsækir Hótel Rangá er líklegt að þú sjáir Friðrik á ferðinni, annað hvort að leiðbeina gestum um bestu áfangastaði í nágrenninu eða þá í matsalnum eða á barnum að segja gestum sögur.
Umhverfisstefna
Sjálfbærni og umhverfið
Sjálfbærni á Hótel Rangá er eitt af forgangsverkefnum okkar. Við leggjum okkur fram um að nýta vistvænustu lausnir sem eru í boði hverju sinni.
Hótel Rangá er í hótel samtökunum Small Luxury Hotels, en keðjan tilnefndi hótelið sem hluta af "Considerate Collection". Þá tilnefningu fá aðeins sérvalin hótel innan samtakanna sem eiga það sameiginlegt að vera lítil lúxushótel með persónulega þjónustu sem leggja upp úr því að vera umhverfisvæn og samfélagslega sinnuð.
