Norðurljós
HÓTEL RANGÁ
„Það sem er mest spennandi við norðurljósin er að það er aldrei hægt að segja fyrir um hvenær þau birtast. Þess vegna jafnast ekkert á við augnablikið þegar svartur næturhimininn springur skyndilega út í allri þessari litadýrð. Þú verður einfaldlega að vera á staðnum til að skilja það.“
Embla Einarsdóttir
Móttaka á Hótel Rangá
Mynd eftir Sævar Helga Bragason
Á Hótel Rangá er lögð áhersla á að gestir geti notið norðurljósanna
Hanagal!
Norðurljósavaktin okkar tryggir að engir gestir missa af þessu einstaka náttúrufyrirbrigði. Við erum með sérstaka kvöld- og næturvakt að fylgjast með gangi mála á himinhvolfinu. Um leið og norðurljósin birtast færðu hringingu frá næturvaktinni: Hanagal! Þá er brýnt að bregðast fljótt við. Við mælum með að þú undirbúir þig kvöldið áður og hafir hlýjan klæðnað og myndavél tilbúna.
Staðsetningin
Hótel Rangá er staðsett á neðanverðum Rangárvöllum í miðri sveit og þess vegna er engin ljósmengun í nágrenninu sem truflar útsýnið. Þegar norðurljósin birtast slökkvum við á útiljósum hótelsins til að tryggja bestu aðstæður til að sjá næturhimininn í allri sinni dýrð. Sumir koma sér notalega fyrir í heita pottinum fyrir utan hótelið, með freyðandi gullnum veigum til að skála við fegurð himinsins.
Stjörnurnar
Stjörnuskoðunarhús Hótel Rangár er það fullkomnasta á landinu, með opnanlegu þaki og tveimur tölvustýrðum hágæðastjörnusjónaukum sem ná að fanga ótrúlegustu smáatriði í óravíddum geimsins.
Höldum á þér hita
Það er mikilvægt að láta sér líða vel á meðan maður er úti við að horfa upp í stjarnhimininn eða að fylgjast með norðurljósunum. Við bjóðum upp á hlýja og þægilega útigalla eða þykk teppi til láns. Vel útbúinn heldurðu á þér hita, nýtur útiverunnar betur og nærð lengri tíma með undrum næturhiminsins.
Notaleg útivera
Fyrir framan hótelið er röð af norðurljósabekkjum, sem eru sérstaklega hannaðir fyrir þá sem vilja njóta norðurljósanna og stjarnanna sem best. Við útvegum teppi eða hlýjan útigalla og þá er fátt dásamlegra en að leggjast útaf, gleyma stund og stað, stara upp í himininn og slaka á.
Stjörnufræðingurinn
Við höfum okkar eigin stjörnufræðing sem leiðsegir gestum um víðáttur næturhiminsins. Hann bendir á stjörnumerkin og fræðir þig um sólkerfið og pláneturnar og öll þau undur sem blasa við.
Ægifagurt litaspil
Norðurljósin
Norðurljósin, eða Aurora Borealis, eins og þau heita á latínu, eru náttúrufyrirbrigði sem birtast í ægifögru litaspili á himni í sorta næturinnar. Norðurljósin sjást þegar rafmagnaðar agnir frá sólinni lenda á gufuhvolfi og segulsviði jarðar, sem er sterkast við Norður- og Suðurpól. Þegar þessar agnir lenda á súrefnis- og köfnunarefnisatómum og sameindum lýsast þær upp. Á Íslandi eru bestu skilyrði til að sjá norðurljós á tímabilinu september til mars.
Myndaðu
Norðurljósin
Undirbúningur
& græjur
Mundu eftir því að hafa myndavélina fullhlaðna áður en þú ferð að sofa, og ekki er verra að hafa auka rafhlöðu tilbúna. Í kuldanum eyðast batteríin hratt.
Í myrkrinu er erfitt að finna góða staðsetningu til þess að taka norðurljósamynd. Við mælum því með að fara í göngutúr í birtu og finna heppilega staðsetningu, hafðu í huga að norðurljósin birtast í norðri. Við getum einnig mælt með góðri staðsetningu.
Fyrir myndatökuna, veldu hröðustu og víðustu linsuna sem þú átt.
Það er mikilvægt að nota þrífót. Í móttökunni getur þú fengið lánaðan þrífót.
Stillingar
fyrir myndavélina
Stilltu á infinity fókus ef linsan þín bíður upp á þann valmöguleika. Annars er mikilvægt að hafa fókusinn á manual fókus, og velja eitthvað ljós í fjarska, t.d. stjörnu, til að fókusera á.
Best er að stilla ljósopið á f/2.2-5.6.
Hröð norðurljós
ISO (800-4000)
Hægari norðurljós
ISO (400-800)
Gerðu tilraunir með lýsingartímann, frá 5-30 sek.
Skjóttu í RAW.
Stilltu tímastillinn á að minnsta kosti 2 sek til þess að forðast að myndin verði hreyfð.
Clear Skies and Solar Winds Are essential
Norðurljósaspá
Bestu skilyrðin til að sjá norðurljós eru heiður himinn og mikil sólarvirkni. Mögulegt er að gera sína eigin skammtímaspá um norðurljós með því að kanna verðurspána, virkni sólstorma og skýjafar. Nákvæmustu spárnar ná aðeins sólarhring fram í tímann, en hins vegar geta aðstæður breyst með skömmum fyrirvara. Smelltu á tengilinn hér fyrir neðan til að skoða nýjustu norðurljósaspána.
Mynd eftir Tom Stahl
Kvöldstund með stjarnhimninum
Stjörnuskoðunarhús Hótel Rangár
Við bjóðum upp á fullkomnustu aðstöðu til stjörnuskoðunar á landinu. Stjörnuskoðunarhúsið er rétt hjá hótelinu, getur hýst 25 gesti í einu og er með opnanlegu þaki. Í húsinu eru tveir tölvustýrðir hágæðastjörnusjónaukar: 14 tommu spegilsjónauki frá Celestron og 160 mm lithreinn linsusjónauki frá TEC, sem nota má til að skoða himininn eða taka stjörnuljósmyndir við bestu aðstæður, fjarri allri ljósmengun.
Sjónaukarnir eru stórir og geta sýnt ótrúleg smáatriði, t.d. á yfirborði tunglsins, ský í lofthjúpi Júpíters, hringa Satúrnusar eða landslag á Mars; með þeim má koma auga á fæðingarstaði stjarna eða stjörnuþyrpingar og vetrarbrautir í milljóna ljósára fjarlægð.
Norðurljósin á Instagram @HotelRanga
Njóttu norðurljósanna á @hotelranga
Algengar spurningar varðandi norðurljósin
Norðurljósin eru sjáanleg frá september til apríl. Í kringum haust og vor jafndægur eru taldar meiri líkur á að norðurljósin skarti sínu fegursta, en eins og margt annað með veðurfar á Íslandi þá er ómögulegt að segja til um hvenær þau muni birtast.
Það eru þrjár meginbreytur sem hafa áhrif á líkurnar á því að sjá norðurljós á Íslandi, þær eru:
sólvindar, veðurfar og tunglið. Þegar það er fullt tungl sjást norðurljósin verr, hins vegar höfum við séð fallegt sjónarspil þegar tunglið var fullt og sólarvirknin var sterk. Hvort og hvenær norðurljósin láta á sér kræla fer eftir virkni á yfirborði sólar. Við þurfum sterka sólvinda og sólbletti til að sjá norðurljós hinsvegar geta sólgos og kórónuskvettur orsakað tignarleg gos. Og síðast en ekki síst þurfum við gott veður og létt skýjarfar til að bera hin tignarlegu ljós augum.
Við leggjum mikinn metnað og áherslu á þjónustu við gesti. Við bjóðum upp á norðurljósa hanagal, þar sem við sjáum til þess að gestir missi ekki af norðurljósunum ef þau birtast um miðja nótt. Við erum einnig með snjógalla og teppi til láns og sérsmíðaða bekki fyrir utan hótelið sem hægt er að leggjast á og njóta útsýnisins.
Stjörnuskoðunarhúsið er opið á hverju kvöldi þegar himininn er heiðskír og þá er stjörnufræðingur ávallt til staðar. En sjálfsagt er að sýna húsið utan opnunartíma, en þá er því miður ekki hægt að nota sjónaukana.
Já það er möguleiki, gott er að heyra í okkur samdægurs hvort stjörnuskoðunarhúsið verður opið þann dag, við vitum það vanalega um kl. 17:00 hvort af verður eða ekki.
