Master Svítur

Heimsálfusvítur Hótel Rangár eru hannaðar með það í huga að leyfa gestum okkar að lifa sig inn í stemningu einhverrar af heimsálfunum sjö og njóta um leið þess besta sem hótelið hefur upp á að bjóða. Svíturnar eru skreyttar og innréttaðar af handverks- og listamönnum hvaðanæva að úr heiminum og því er hver svíta algjörlega einstæð.

Í Antartíkusvítunni, Suðurskautslandinu, eru gestir umkringdir samspili af svörtu og hvítu frá gólfi og upp í loft, en þar eru líka fulltrúar frægustu íbúa heimsálfunnar: einstaklega elskulegar mörgæsir. Afríkusvítan er skreytt munum og minjum sem tengjast fjölbreyttu dýralífi og magnaðri menningu heimsálfunnar, en auk þess er þar stráloft.

Svalir eru á hverri heimsálfusvítu og þaðan er einstakt útsýni yfir stórbrotið landslagið og hina fögru Eystri-Rangá. Svíturnar eru afar rúmgóðar með þægilegum sófa, stóru baðkari og tvíbreiðu rúmi og Nespresso kaffivél. Hér hefur einstök alúð verið lögð í hvert smáatriði til að tryggja að dvölin verði ógleymanleg.

Morgunverður er innifalinn. Umhverfisvænar snyrtivörur og sápur eru í boði á baðherbergjum. Aukarúmum er hægt að bæta við ef óskað er.