Standard
Afslöppuð Og Notaleg
Í standard herbergjunum eru það smáatriðin og notalegheitin sem ráða ríkjum, eins og handmálaðar veggmyndir, úrval af kaffi og tei eða dásamlegir baðsloppar og flauelsmjúkir inniskór. Það er hér sem hinn athafnasami ferðalangur finnur næði og ró eftir langan og viðburðaríkan dag við náttúruskoðun, jöklagöngu eða fjallahjólaferð; slakar á ofan í freyðandi baði eða teygir þægilega úr sér í breiðu rúminu.
Herbergin hafa ýmist tvö rúm eða eitt hjónarúm. Morgunverður er innifalinn. Umhverfisvænar snyrtivörur og sápur eru í boði á baðherbergjum.
Við bjóðum upp á standard herbergi hannað til að mæta þörfum hreyfihamlaðra. Vinsamlegast takið það fram við bókun ef óskað er eftir slíku herbergi.
Hjónarúm (King Size)
Eða tvö aðskilin rúm
Hámark 2
18m²
Sturta eða baðkar með sturtu
Útsýni yfir Heklu
Hjólastólaaðgengi
- Norðurljósa hanagal
- Vöknunarþjónusta
- 24 tíma herbergisþjónusta
- Þvotta þjónusta
- Baðvörur
- Baðsloppar og inniskór
- Hárblásari
- Nespresso kaffivél
- Peningaskápur
- Frítt WiFi
- Bað og sturta
- Straujárn og straubretti
- Sjónvarp
- USB hleðslustöð
- Öll herbergi eru reyklaus
- Hjólastólaaðgengi
Þjónusta
Norðurljósahanagal
Við erum með sérstaka kvöld- og næturvakt að fylgjast með gangi mála á himinhvolfinu. Um leið og norðurljósin birtast færðu hringingu frá næturvaktinni: Hanagal!
Heitir Pottar
Allir gestir hafa aðgengi að heitum pottum fyrir utan hótelið. Pottarnir þrír eru staðsettir við ánna og eru opnir alla daga. Njótið friðsældarinnar á meðan þið horfið á norðurljósin dansa á stjörnuhimninum.
Veitingastaður
Veitingastaður Hótels Rangár er rómaður fyrir frábæra matargerð, gott hráefni og þjónustu. Áherslan hefur ávallt verið á hina sígildu íslensku gestrisni, framúrskarandi veitingar og persónulega þjónustu.
Stjörnuskoðun
Við bjóðum upp á fullkomnustu aðstöðu til stjörnuskoðunar á landinu og þegar vel viðrar er okkar eigin stjörnufræðingur til staðar og fræðir gesti um undur stjörnuhiminsins.
Afþreyingarherbergi
Eftir annasaman ævintýradag er tilvalið að slaka á og njóta lífsins á hótelinu. Í afþreyingarherberginu er biljarðborð, spil, taflborð og púsl, opið öllum gestum Hótels Rangár.
FJÖLDI FALLEGRA LISTAVERKA
List á Hótel Rangá
Við erum hreykin af framlagi íslenskra listamanna á hótelinu, þar sem fjölda fallegra listaverka er að finna. Í nær öllum herbergjum eru einstakar veggmyndir, innblásnar af íslenskri náttúru: hestum á stökki, værukærum sauðkindum, dýrlegum lúpínubreiðum að ógleymdum persónum og atvikum úr Íslendingasögum. Svíturnar geyma líka fagra handverksgripi og listaverk hvaðanæva að úr heiminum. Við leitum til listamanna og fagurkera þegar við veljum inn verk sem prýða hótelið svo gestir okkar megi njóta einstakrar skemmtunar, munaðar og þæginda.
Heim » Herbergi & Svítur » Standard herbergi