Staðsetning
Hótel Rangá er í hjarta Suðurlands
Staðsetning Hótel Rangár
Hótel Rangá er í fagurri sunnlenskri sveit og staðsetningin gæti ekki verið betri fyrir þá sem vilja skoða náttúruundur og fegurð Suðurlands. Bílastæðin við hótelið ásamt hleðslu fyrir rafmagsnbíla eru gjaldfrjáls. Hótel býður ekki upp á skipulagðar rútuferðir, hvorki til og frá höfuðborgarsvæðinu né flugstöð Leifs Eiríkssonar, en við getum hjálpað þér að bóka sæti til og frá hótelinu. Einnig er hægt að útvega stóra jeppa, leigubíl, eðalvagn eða þyrlu. Einnig er hægt að taka almenningsvagn, strætó, frá Mjódd í Reykjavík, en ferðir geta verið óreglulegar eftir árstímum.
Á leiðinni er fagurt útsýni til allra átta
Aksturstími og leiðsögn
Fylgdu þjóðvegi 1, Suðurlandsvegi, í austur. Aktu í gegnum Selfoss og áfram í gegnum Hellu. Hótel Rangá er aðeins 8 km. austur af Hellu, um 600 metra frá þjóðveginum. Beygt er til hægri í gegnum hliðið við þjóðveginn og er vel merkt.
Reykjavík til Hótel Rangár
96km/60mi
Aksturstími
1.5 klst.
Það eru margar fagrar perlur í nágrenninu.
Náttúrufegurð á næstu grösum
Frá Hótel Rangá er stuttur akstur til fegurstu áfangastaða Suðurlands, eins og að Seljalandsfossi, Gljúfrabúa og Nauthúsagili og þaðan inn í Þórsmörk. Fljótshlíðin er einstök náttúrparadís og söguslóðir frægustu Íslendingasögunnar: Njáls sögu. Þar má líka finna hinn fagra Gluggafoss og þar er hinn stórmerkilega Drumbabót, þar sem ævaforninr trjábolir standa upp úr sandinum. Í Fljótshlíð er líka Nínulundur, minningarlund um Nínu Sæmundsson, sem fyrst íslenskra kvenna lærði höggmyndalist, og Þorsteinslund, minningarlund um Þorstein Erlingsson, skáld, sem kvað: „Fyrr var oft í koti kátt.“ Í lundinum er einmitt höggmynd af honum eftir Nínu. Gönguferð niður með Eystri-Rangá er dásamleg útivist, þar sem náttúran, fuglalífið, himininn og hin kristaltæra á mynda einstaka stemningu.
Hafa samband
Fyrir almennar fyrirspurnir eða endurgjöf á þjónustu, vinsamlegast hafið samband með því að fylla út formið hér að neðan. Það er líka hægt að hafa samband í gegnum síma: +354 487 5700.
Hótel Rangá
Suðurlandsvegi 851 Hella
Sími: +354 487 5700
