Rangá Restaurant
Mynd eftir Andrew Klotz
„Nýtt hráefni úr héraði gerir gæfumuninn í matargerð og tryggir þau einstöku bragðgæði sem finnast hvergi annars staðar en á Íslandi.“
Péter Jóni
Yfirmatreiðslumaður á Rangá Restaurant
Mynd eftir Ásu Steinarsdóttur
Norræn matarupplifun
Rangá Restaurant
Veitingastaður Hótels Rangár er rómaður fyrir frábæra matargerð, gott hráefni og þjónustu. Við veljum besta hráefni á hverjum árstíma frá ræktendum og framleiðendum í héraði og leggjum okkur fram við að gera dvölina á Hótel Rangá einstaka og ógleymanlega.
Áherslan hefur ávallt verið á hina sígildu íslensku gestrisni, framúrskarandi veitingar og persónulega þjónustu.
Nokkrir réttir hafa skapað sér algjöra sérstöðu hvað
vinsældir varðar, en þar má nefna sveppasúpuna, hreindýra-carpaccio, Rangárlaxinn, fjallalambið og að sjálfsögðu súkkulaðikökuna, sem enginn fær staðist.
Hráefni
Gott hráefni er grundvöllurinn að vandaðri matargerð og skapandi samspil milli þess og faglegrar eldamennsku ræður úrslitum um ánægju gestanna í veitingasalnum. Við veljum nýtt hráefni af bestu mögulegu gæðum og sækjum það nær eingöngu til staðbundinna framleiðenda í héraði, svo sem grænmetisbænda, nautaræktenda og báta-sjómanna.
Fjölbreytni
Fjölbreytnin felst í mismunandi áherslum milli ólíkra rétta og á einkenni þeirra matarhefða þar sem frábært íslenskt hráefni nýtur sín hvað best. Þar ber hæst hin einstaka norræna matargerð, sem segja má að hafi sigrað heiminn á undanförnum árum, en um leið endurspeglar matseðillinn hið besta úr sígildri franskri og ítalskri matargerð.
Árstíðirnar
Veitingastaður Hótel Rangár er þekktur fyrir árstíðabundna þriggja rétta sælkeramatseðillinn, með ómótstæðilegum sérvöldum réttum fyrir vetur, sumar, vor og haust.
Svo er að sjálfsögðu hinn víðfrægi skandínavíski jólamatseðill, en margar fjölskyldur og fyrirtæki bóka borð með árs fyrirvara til að eiga öruggt sæti við veisluborðið.
Vínlistinn er langur og fjölbreyttur með úrvali af góðu víni af öllum tegundum frá bestu framleiðendum í heimi. Bæði hinn lífsglaði leikmaður
og hinn kröfuharði kunnáttumaður í vínfræðum finna það sem hugurinn girnist.
Mynd eftir Ásu Steinarsdóttur
Glæsilegt Viskýsafn
Rangárbarinn
Barinn okkar er einstaklega vel birgur og því notalegt athvarf í hjarta hótelsins, hverjum þeim ferðalangi sem þarf á hressingu að halda eftir langan dag. Barinn er smíðaður úr grófhöggnum trjábolum, en barstólarnir tveir eru skornir út af ítölskum handverksmeistara, og eru líklega mest ljósmynduðu hlutir hótelsins, fyrir utan ísbjörninn Hramm. Á barnum er eitt mesta viskýúrval landsins, svo allir sannir viskýaðdáendur ættu að finna það sem þá þyrstir í. Sígild hanastél eða sérblandaðir drykkir af hverju tagi standa til boða, og hér færðu líka rautt eða hvítt Rully Bourgogne, sem er sérstaklega átappað fyrir Hótel Rangá. Að sjálfsögðu er einnig úrval af bjór frá íslenskum brugghúsum.
Mynd eftir Ásu Steinarsdóttur
